Almennir greiðsluskilmálar




Áskrifandi/samningsaðili ber fulla ábyrgð á greiðslum vegna notkunar á þjónustu og búnaði, óháð því hvort notkunin hafi verið heimiluð eða ekki. Reikninga ber að greiða á gjalddaga. Reikningar skulu sendir áskrifendum/samningsaðilum með góðum fyrirvara, eða birtir á vefsvæði þeirra áskrifenda/samningsaðila sem þess hafa óskað.

Útskriftargjald greiðist fyrir hvern sendan reikning til áskrifanda/samningsaðila. Einstaklingar skráðir í netreikning greiða færslugjald.

Reikningstímabil miðast við almanaksmánuð og er útgáfudagur reikninga í lok mánaðar. Gjalddagi reikninga er 20. næsta mánaðar eftir útgáfudag og eindagi er 2. næsta mánaðar eftir gjalddaga. Sé reikningur ekki greiddur á eindaga skal áskrifandi greiða dráttarvexti, eins og þeir eru ákveðnir samkvæmt 1. mgr. 6. gr. Laga um vexti og verðtryggingu nr. 38/2001, frá og með gjalddaga til greiðsludags.

Fyrir enduropnun á þjónustu og samkomulag um uppgreiðslu vanskila greiðast sérstök gjöld.

Athugasemdir skulu gerðar við útgefna reikninga án tafar og eigi síðar en á eindaga, ella telst reikningur samþykktur. Berist athugasemdir of seint eða eftir eindaga, en atvik réttlæta með ótvíræðum hætti tafir á því að athugasemdir bárust, skal eins og frekast er unnt taka afstöðu til þeirra athugasemda.

Greiðsluskilmálar þessir eru hluti af og til fyllingar samningum sem aðilar hafa gert við Skipti og einstök dótturfyrirtæki Skipta hf.

Greiðsluskilmálar birgja

Greiðsluskilmálar birgja eru úttektarmánuður + 30 dagar. Fullnægjandi reikningur skal berast Skiptum eigi síðar en 15 dögum eftir lok úttektarmánaðar. Berist fullnægjandi reikningur síðar getur greiðsla frestast í allt að 30 daga. Áritun reikninga til félaga samstæðu skal vera á eftirfarandi hátt:

Nafn félags
b.t. Reikningshalds Skipta
Ármúla 25,
108 Reykjavík.

Greiðsluskilmálar þessir eru hluti af og til fyllingar samningum sem aðilar hafa gert við Skipti og einstök dótturfyrirtæki Skipta hf.