Innlend starfsemi

Síminn er stærsta fjarskiptafyrirtækið á Íslandi og rekur sögu sína aftur til ársins 1906. Þjónustuframboð Símans samanstendur af fastlínu, farsíma og gagnaflutningslausnum ásamt sjónvarpsþjónustu yfir ADSL. Síminn leggur áherslu á fræðslu, faglega ráðgjöf og þjónustulipurð í samskiptum þar sem markmiðið er að gera flókna hluti einfalda og notendavæna fyrir alla. Síminn býður þjónustu sína til einstaklinga og fyrirtækja.

Já er þjónustufyrirtæki sem hefur þá einföldu stefnu að miðla upplýsingum sem fólk þarfnast í dagsins önn og auðvelda samskipti. Já er ungt fyrirtæki en byggir á traustum aldargömlum grunni. Já starfrækir nokkra miðla til þess að sinna hlutverki sínu: Símaskrána, sem kemur út árlega í 230 þúsund eintökum og liggur á flestum íslenskum heimilum árið um kring. Simaskra.is / ja.is en vefur fyrirtækisins er einn fjölsóttasti vefur landsins. Þjónustunúmerin 118 og 1818 þar sem veittar eru upplýsingar í gegnum síma allan sólahringinn árið um hring. Einnig starfrækir Já þjónustunúmerið 1811 sem veitir upplýsingar um símanúmer erlendis.

Skjárinn er leiðandi fyrirtæki á íslenskum sjónvarpsmarkaði. Með fullkomnustu tækni sem völ er á býður Skjárinn áhorfendum upp á gagnvirkt sjónvarp, fyrstir allra á Íslandi. Það þýðir að áhorfandinn getur pantað sér það efni sem hann vill horfa á og ráðið sinni dagskrá. Þessi þjónusta hófst síðla árs 2005 og hefur nú unnið sér fastan sess á þúsundum heimila. Skjárinn verður áskriftarsjónvarpsstöð frá 1. desember 2009 en hún býður upp á vinsæla innlenda og erlenda þætti, kvikmyndaleigu með frábæru úrvali mynda og mikinn fjölda erlendra sjónvarpsstöðva.

Míla byggir á aldagamalli starfsemi fjarskiptanets Símans sem lagt hefur grunn að öllum fjarskiptum á Íslandi. Kjarnastarfsemi Mílu er að byggja upp og reka fullkomnasta fjarskiptanet á Íslandi. Önnur fjarskiptafyrirtæki tengjast þessu neti í gegnum mismunandi lausnir. Hlutverk Mílu er að selja lausnir sínar til fyrirtækja og stofnana sem stunda fjarskiptastarfsemi. Míla sérhæfir sig m.a. í rekstri og ráðgjöf vegna fjarskiptakerfa, aðstöðuleigu fyrir upplýsingatæknifyrirtæki og ýmsa þjónustu við dreifikerfi.

Sensa er þjónustufyrirtæki með sérfræðiekkingu í netlausnum (e.networking). Áhersla er lögð á að uppfylla sífellt vaxandi þörf íslenskra fyrirtækja og stofnanna fyrir samkiptahætti og leiðir, sem uppfylla kröfur um áreiðanleika, öryggi og afköst. Fyrirtækið hóf starfsemi árið 2002 og er eina fyrirtækið á Íslandi sem hefur hlotið gullvottun frá Cisco Systems í þjónustu á netlausnum.

Tæknivörur voru stofnaðar 1992. Félagið sér um innflutning á notendabúnaði og er í samstarfi við fjölmörg fyrirtæki sem selja fjarskiptabúnað. Tæknivörur eru umboðsaðilar fyrir stærstu fyrirtæki í Evrópu svo sem Sony Ericsson, Samsung og Thomson. Markmið Tæknivara er að vera leiðandi á sviði fjarskipta og notendabúnaðar fyrir fyrirtæki og einstaklinga og veita bestu mögulegu þjónustu til viðskiptavinarins. Tæknivörur er heildsölufyrirtæki og selur því eingöngu búnað til endursölu.

Radiomiðlun sérhæfir sig í sölu á fjarskiptalausnum fyrir sjávarútvegsgeirann ásamt uppsetningum á búnaði og viðhaldi. Vöruframboð félagsins samanstendur til dæmis af lausnum frá Statos, Globalstar, Iridium og Seatel. 

TrackWell hugbúnaðarfyrirtæki hefur sannað sinn feril í að þróa öruggar hátækni lausnir fyrir fjarskiptaaðila, ríkisfyrirtæki og aðra stofnanir. Með aðaláherslu á staðbundnar hugbúnaðarlausnir fyrir fyrirtækja- og neytendamarkað, TrackWell hefur notið stöðurgs vaxtar frá því það var stofnað árið 1996. Sýn TrackWell er að vera alþjóðlega þekkt fyrirtæki í þróun staðbundinnar þjónustu fyrir þráðlaus net.

Staki er þjónustufyrirtæki á sviði upplýsingatækni með áherslu á framleiðslufyrirtæki. Lausnir Staka spanna frá gagnasöfnun til skýrslugerðar, frá framleiðslugólfi til forstjóra með það meginmarkmið að hámarka virði viðskiptavinarins. Starfsfólk Staka hefur sérhæft sig í hugbúnaði frá Wonderware sem er eitt útbreiddasta hugbúnaðarkerfi í iðnaði. Hjá Staka er samhentur hópur hugbúnaðarsérfræðinga, tæknifræðinga og verkfræðinga sem myndar öflugt og framsækið þjónustufyrirtæki.